21 жніўня, Мінск /Кар. БЕЛТА/. Па выніках правядзення камісіяй МАРГ антыманапольных расследаванняў факты парушэння антыманапольнага заканадаўства ўстанаўліваюцца ў 25 працэнтах выпадкаў. Аб гэтым паведаміў намеснік міністра антыманапольнага рэгулявання і гандлю Беларусі Іван Вежнавец у час анлайн-канферэнцыі на сайце БЕЛТА.
"Камісія па ўстанаўленні факта наяўнасці (адсутнасці) парушэння антыманапольнага заканадаўства за 7 месяцаў 2018 года разгледзела 71 справу, з якіх па 61 прыняты рашэнні. Устаноўлена 17 фактаў парушэння антыманапольнага заканадаўства, або 25 працэнтаў ад агульнай колькасці разгледжаных спраў", - адзначыў намеснік міністра.
Ён растлумачыў, што антыманапольнае расследаванне з далейшым вынясеннем матэрыялаў на камісію праводзіцца не па кожным паступіўшым у МАРГ звароце. Прычыны могуць быць розныя: ад адсутнасці прыкмет парушэння да адклікання заявы самім заяўнікам.
Паводле даных МАРГ, каля 40 працэнтаў усіх відаў выяўленых парушэнняў складае нядобрасумленная канкурэнцыя, яшчэ 40 працэнтаў - абмяжоўваючыя канкурэнцыю акты і дзеянні дзяржаўных органаў, каля 11 працэнтаў - злоўжыванне дамінуючым становішчам.-0-
