30 жніўня, Мінск /БЕЛТА - ТАСС/. Вярхоўная рада зацвердзіла новы ўрад Украіны ў складзе 15 міністраў і двух віцэ-прэм'ераў. За яго прагаласаваў 281 дэпутат пры 226 неабходных.
Колькасць міністэрстваў была скарочана на тры. Былі аб'яднаны міністэрствы энергетыкі і экалогіі, а таксама міністэрствы эканомікі і аграрнай палітыкі. Міністэрства па справах моладзі і спорту было аб'яднана з Міністэрствам культуры.
З ранейшага складу кабінета сваю пасаду кіраўніка МУС захаваў Арсен Авакаў.
Дзмітрый Кулеба заняў пасаду віцэ-прэм'ера па пытаннях еўрапейскай і еўраатлантычнай інтэграцыі, Міхаіл Фёдараў - пасаду віцэ-прэм'ера - міністра лічбавай трансфармацыі.
Цімафей Мілаванаў атрымаў пасаду міністра развіцця эканомікі, гандлю і сельскай гаспадаркі, Аксана Маркарава - міністра фінансаў, Аляксей Оржэль - міністра энергетыкі і аховы навакольнага асяроддзя, Уладзіслаў Крыклій - міністра інфраструктуры, Алена Бабак - міністра развіцця абшчын і тэрыторый, Ганна Навасад - міністра адукацы і навукі, Зарана Скалецкая - міністра аховы здароўя, Уладзімір Барадзянскі - міністра культуры, моладзі і спорту, Юлія Сакалоўская - міністра сацыяльнай палітыкі, Аксана Каляда - міністра па справах ветэранаў, а таксама непадкантрольных тэрыторый, Дзмітрый Дубілет - міністра Кабінета міністраў, Дзяніс Малюська - міністра юстыцыі.
Да гэтага Рада па прадстаўленні прэзідэнта зацвердзіла Вадзіма Прыстайку міністрам замежных спраў і Андрэя Загараднюка - міністрам абароны.-0-
