17 мая, Мінск /Кар. БЕЛТА/. Санкцыі супраць Расіі не абяцаюць еўрапейскім краінам нічога добрага, яны толькі сталі прычынай росту цэн імя прэзідэнта ЗША Джо Байдэна. Аб гэтым заявіў спікер Дзяржаўнай думы Расіі Вячаслаў Валодзін, паведамляе ТАСС.
Паводле слоў Валодзіна, да праблем з ростам цэн на нафту і газ у хуткім часе дабавяцца цяжкасці з прадуктамі харчавання, і віну за гэта не атрымаецца перакласці на Маскву. "Брусель падтрымаў палітыку санкцый Вашынгтона. Узамен атрымаў рост цэн імя Байдэна", - заявіў Вячаслаў Валодзін.
Ён таксама раскрытыкаваў намеры Еўрасаюза апустошыць сховішчы збожжа ва Украіне, каб вызваліць месца для новага ўраджаю. Валодзін адзначыў, што ў выніку такіх мер украінцы самі застануцца без збожжа. У той жа час будучы ўраджай ва Украіне пад вялікім пытаннем, паколькі ў краіне не хапае паліва для работы тэхнікі на палях.-0-
