13 лютага, Мінск /Кар. БЕЛТА/. Чатыры вакцыны супраць каранавіруса цяпер знаходзяцца ў распрацоўцы, дзве з іх могуць пачаць тэсціраваць на людзях праз тры-чатыры месяцы. Такую інфармацыю агучыла галоўны выканаўчы дырэктар СААЗ Сумія Швамінатан, паведамляе ТАСС.
Сумія Швамінатан адзначыла, што эксперты ў час глабальнага форуму СААЗ абмеркавалі магчымыя часовыя рамкі для вызначэння, якую з вакцын трэба будзе пратэсціраваць у прыярытэтным парадку. Яна таксама дадала, што вакцына будзе ў доступе праз 12-18 месяцаў.
Двухдзённы глабальны форум для выпрацоўкі мер па барацьбе з вірусам COVID-19 аб'яднаў амаль 400 экспертаў з розных краін свету. Яго асноўная мэта - выявіць прабелы ў ведах аб новым каранавірусе і скаардынаваць міжнародныя намаганні ў сферы распрацоўкі метадаў лячэння.
Паводле інфармацыі, агучанай напярэдадні ў Кітаі, зарэгістравана каля 45 тыс. пацверджаных выпадкаў COVID-19, больш як тысяча чалавек загінула з-за гэтага віруса. За межамі Кітая выпадкі заражэння зафіксаваны ў 24 краінах.-0-
