12 снежня, Мінск /Кар. БЕЛТА/. Ахвярамі стральбы 11 снежня на калядным кірмашы ў Страсбургу сталі два чалавекі, 14 атрымалі раненні, паведамляе Agence France-Presse са спасылкай на абноўленыя даныя, прадастаўленыя прэфектурай Бас-Рын.
Раней паведамлялася аб трох загінулых і 13 параненых.
Паводле апошніх даных, сем чалавек былі сур'ёзна паранены і знаходзяцца ў цяжкім стане, яшчэ сем атрымалі лёгкія траўмы.
Злачынец па-ранейшаму знаходзіцца на волі. У яго пошуках удзельнічаюць больш за 420 паліцэйскіх, ваенныя, задзейнічана авіяцыя.
Цэнтр Страсбурга быў ачэплены большую частку ночы, аднак раніцай гэтыя меры былі адменены. У горадзе па-ранейшаму закрыты некаторыя аб'екты культуры і спорту. Мэр Страсбурга Ралан Рыс аб'явіў 12 снежня днём жалобы.
11 снежня на калядным кірмашы ў Страсбургу адбылася стральба. Падазроны - 29-гадовы мясцовы жыхар, раней судзімы. Паводле даных СМІ, пры вобыску ў яго кватэры былі знойдзены гранаты.-0-