Мабільная версія
ДЗЯРЖОРГАНЫ

Апошнія навіны
Усе навіны

У Шры-Ланцы праходзяць прэзідэнцкія выбары

У свеце 16.11.2019 | 10:54
Фота reuters.com
Фота reuters.com

16 лістапада, Мінск /Кар. БЕЛТА/. У Шры-Ланцы сёння раніцай адкрыліся выбарчыя ўчасткі па выбарах прэзідэнта. Выбары новага лідара краіны праходзяць праз сем месяцаў пасля тэрактаў, у якіх загінулі больш за 250 чалавек, паведамляе BBC.

На пасаду прэзідэнта Шры-Ланкі прэтэндуюць 35 кандыдатаў, цяперашняга лідара дзяржавы сярод іх няма. На думку экспертаў, лідарамі прэзідэнцкай гонкі з'яўляюцца экс-міністр абароны краіны Гатабая Раджапакса, а таксама міністр жыллёвага будаўніцтва і культуры Саджыт Прэмадаса. Гатабая Раджапакса ў сваёй перадвыбарнай праграме паабяцаў рэфармаваць сістэму нацыянальнай бяспекі - гэта тэма асабліва актуальна ў Шры-Ланцы пасля тэрактаў у красавіку бягучага года. Саджыт Прэмадаса зрабіў акцэнт на будаўніцтве бясплатнага жылля ў сельскай мясцовасці, забеспячэнні вучняў школьнай формай і іншых сацыяльных бонусах і гарантыях.

На некалькі гадзін да адкрыцця выбарчых участкаў на паўночным захадзе вострава невядомыя абстралялі калону больш як са 100 аўтобусаў, у якіх на выбары прэзідэнта ехалі члены мусульманскай абшчыны. Як паведамляе індыйская газета Hindustan Times, загінулых і пацярпелых няма. Для забеспячэння бяспекі па ўсёй краіне прыцягнуты дадатковыя атрады паліцыі, узмоцнены меры бяспекі.

Амаль 16 млн жыхароў Шры-Ланкі маюць права голасу, пры гэтым выбарчы бюлетэнь дае магчымасць выбіраць да трох кандыдатаў у парадку перавагі. Галасы будуць падлічаны пасля закрыцця выбарчых участкаў 16 лістапада, а канчатковыя вынікі выбараў паведамяць, як чакаецца, 17 лістапада.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.