14 студзеня, Чханан /БЕЛТА - Рэнхап/. У паўднёвакарэйскім Чханане ў гасцініцы пры пажары адзін чалавек загінуў, яшчэ 19 пацярпелі.
Агонь успыхнуў у 21-павярховай гасцініцы Ramada Encore каля 17.00 па мясцовым часе. У момант надзвычайнага здарэння ў будынку знаходзіліся 15 пастаяльцаў і 42 супрацоўнікі. Усе 15 гасцей атэля, а таксама чатыры ратавальнікі атрымалі атручэнне дымам, у выніку чаго былі шпіталізаваны.
53-гадовы супрацоўнік гасцініцы быў знойдзены мёртвым на цокальным паверсе, дзе, магчыма, і пачаўся пажар.
Гасцініца, у якой 420 нумароў, адкрылася ў верасні мінулага года.-0-