27 студзеня, Мінск /Кар. БЕЛТА/. У Вармінска-Мазурскім ваяводстве Польшчы, у гміне Ілова-Асада, было ўкрадзена тры ампулы з вакцынай ад каранавіруснай інфекцыі, паведамляе Polskieradio са спасылкай на супрацоўніка паліцыі Дзялдова.
У сераду раніцай паліцыя атрымала паведамленне аб крадзяжы з пранікненнем у паліклініку ў гміне Ілова-Асада. Як заявіла сяржант Юстына Навіцка, было ўкрадзена тры ампулы (18 доз) вакцыны супраць COVID-19.
Паводле папярэдніх даных, злачынцы праніклі ў паліклініку праз акно, якое разбілі. Акрамя вакцыны былі ўкрадзены і іншыя лякарствы. На месцы працуе следчая група.
У Ілова-Асадзе пражывае амаль 3 тыс. чалавек. Дзейнічае адзін пункт вакцынацыі. Атрыманне прышчэпак для запісаных часова адкладзена.-0-
