27 мая, Мінск /Кар. БЕЛТА/. Сама меней 82 чалавекі атрымалі траўмы рознай ступені цяжкасці ў выніку беспарадкаў, якія адбыліся ў час пратэсных акцый у горадзе Багата. Такую інфармацыю апублікавала на сваёй стронцы ў Twitter аддзяленне Чырвонага Крыжа ў сталіцы Калумбіі, паведамляе ТАСС.
"Чырвоны Крыж аказаў дапамогу 82 пацярпелым у час дэманстрацый у Багаце", - гаворыцца ў паведамленні. Сярод параненых - пяць паліцэйскіх.
Як паведамляе газета "Тьемпо", сутыкненні паміж пратэстуючымі і праваахоўнымі органамі маюць месца ў раёне Усмэ на поўдні калумбійскай сталіцы.
У Калумбіі з 28 красавіка праходзяць дэманстрацыі супраць падатковай рэформы. Беспарадкі адзначаны ў Багаце, Калі, Медэлыне і іншых гарадах. Пацярпелі звыш 2 тыс. чалавек, загінулі не менш як 42. Пазней улады згадзіліся ўнесці змяненні ў планы рэформы, міністр фінансаў падаў у адстаўку, аднак пратэсты прадоўжыліся.-0-