19 лютага, Мінск /Кар. БЕЛТА/. Урад Фінляндыі разгледзеў папраўкі ў заканадаўства, якія прадугледжваюць штраф або турэмнае зняволенне на тэрмін да трох месяцаў для грамадзян, якія адмовіліся ад тэсціравання на каранавірус, паведамляе фінская газета Aamulehti.
Дакумент павінен уступіць у сілу ў красавіку.
У Міністэрстве сацыяльных спраў і аховы здароўя Фінляндыі растлумачылі, што абавязковыя медыцынскія агляды, у тым ліку правядзенне тэсціравання на каранавірус, могуць праводзіцца, напрыклад, у аэрапортах і на пагранічных пераходах.
Прадугледжваецца, што абавязковыя медыцынскія агляды будуць праходзіць у краіне на пастаяннай аснове, а не толькі ў час эпідэміі каранавіруса.-0-