12 студзеня, Мінск /Кар. БЕЛТА/. Прэзідэнт Казахстана Касым-Жамарт Такаеў пацвердзіў, што 13 студзеня пачнецца арганізаваны вывад міратворчага кантынгенту АДКБ з Казахстана. Аб гэтым паведамляе партал навін zakon.kz.
"Заўтра пачынаецца арганізаваны вывад міратворчага кантынгенту АДКБ. У мяне былі перагаворы з кіраўнікамі адпаведных дзяржаў. Карыстаючыся магчымасцю, я хацеў бы выказаць удзячнасць камандаванню кантынгенту за праведзеную работу на працягу гэтых некалькіх дзён. Само знаходжанне міратворчага кантынгенту АДКБ у Казахстане, у тым ліку ў Алматы, адыграла вельмі вялікую ролю з пункту гледжання стабілізацыі сітуацыі ў нашай краіне. Безумоўна, гэта мела вялікае псіхалагічнае значэнне для адбіцця агрэсіі тэрарыстаў і бандытаў. Місія ацэньваецца як вельмі паспяховая", - заявіў Такаеў.-0-
