ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
У свеце
18 кастрычніка 2021, 16:01

СМІ: Украіна афіцыйна рыхтуецца да імпарту электраэнергіі з Беларусі

Фота з архіва
Фота з архіва

18 кастрычніка, Мінск /Кар. БЕЛТА/. Беларуская электраэнергія можа паступіць ва Украіну ў пачатку лістапада. Падрыхтоўчая работа наконт гэтага пачалася ўжо: на 22 кастрычніка назначаны афіцыйны конкурс на доступ да сячэння ЛЭП паміж Украінай і Беларуссю, паведамляе ўкраінскае выданне "Экономическая правда".

Паводле даных выдання, конкурс будзе праводзіць нацыянальны аператар электрасетак НЭК "Укрэнерга".

"Прапановы кампаній, якія хочуць выкупіць міждзяржаўнае сячэнне, будуць прымацца з 22 да 24 кастрычніка. Публікацыя канчатковых вынікаў аўкцыёну запланавана на 29 кастрычніка - гэта значыць за 2 дні да заканчэння тэрміну палітычнага мараторыя, устаноўленага на імпарт электраэнергіі з Беларусі", - піша "Экономическая правда".

Такім чынам, ужо з 1 лістапада закупкі электраэнергіі з Беларусі могуць быць адноўлены.

У канцы верасня Нацыянальная камісія Украіны, якая ажыццяўляе дзяржрэгуляванне ў сферах энергетыкі і камунальных паслуг, прадоўжыла забарону імпарту электраэнергіі з Беларусі і Расіі ва Украіну да 1 лістапада 2021 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі