27 лютага, Мінск /Кар. БЕЛТА/. Генеральны дырэктар Сусветнай арганізацыі аховы здароўя (СААЗ) Тэдрас Гебрэесус заявіў, што за апошнія два дні за межамі КНР зарэгістравана больш хворых, чым унутры гэтай краіны, паведамляе ТАСС.
"Тое, што адбываецца ў астатнім свеце (за межамі Кітая) выклікае цяпер найбольшую заклапочанасць", - адзначыў Тэдрас Гебрэесус, выступаючы 27 лютага на брыфінгу ў Жэневе.
Кіраўнік СААЗ паведаміў, што за межамі КНР, у 44 краінах, зарэгістравана 3 тыс. 474 выпадкі хваробы, выкліканай новым каранавірусам. Памерлі 54 чалавекі.-0-