29 студзеня, Мінск /Кар. БЕЛТА/. У Японіі пацверджаны першы выпадак заражэння каранавірусам на тэрыторыі краіны. Аб гэтым на слуханнях у бюджэтнай камісіі верхняй палаты парламента, што трансліраваліся па нацыянальным тэлебачанні, заявіў міністр аховы здароўя, працы і дабрабыту Куцанобу Като, паведамляе ТАСС.
"Трэба рэагаваць на сітуацыю з разуменнем таго, што яна істотна змянілася, - сказаў міністр. - Мы выйшлі на новы этап".
На сённяшні дзень у Японіі выявілі семярых заражаных пнеўманіяй новага тыпу. Шасцёра з іх прыбылі з кітайскага горада Ухань. Пры гэтым сёмы чалавек быў заражаны ўжо ў самой Японіі. Гэта вадзіцель аўтобуса, на якім перамяшчаліся па краіне турысты з Уханя.
Як паведамляецца, пасля мяркуемага заражэння каранавірусам вадзіцель уступаў у непасрэдны кантакт з больш як сотняй чалавек. З васямнаццаццю з іх ён кантактаваў пастаянна. Усе яны знаходзяцца пад наглядам.-0-
