21 ліпеня, Мінск /Кар. БЕЛТА/. У кітайскім горадзе Чжэнчжоу (правінцыя Хэнань) у выніку паводкі загінулі 25 чалавек, яшчэ сямёра лічацца прапаўшымі без вестак, паведамляе агенцтва Сіньхуа.
Раней паведамлялася аб 12 загінулых.
Паводле апошніх даных, з-за паводкі ў Хэнані пацярпелі больш за 1,2 млн чалавек, урон нанесены 560 населеным пунктам.
Прычынай паводкі сталі моцныя ліўні, якія прадаўжаліся некалькі дзён. Яны прывялі да парушэння транспартных зносін у рэгіёне і перабояў у падачы электраэнергіі. На некаторых рэках перавышаны ўзровень аварыйнай небяспекі, пашкоджаны плаціны.-0-