9 лістапада, Мінск /Кар. БЕЛТА/. Колькасць ахвяр каранавіруса перавысіла 5 млн. З пачатку пандэміі ад СOVID-19 у свеце памерлі больш за 5 071 100 чалавек. Такая інфармацыя размешчана на сайце Worldometer, паведамляе БЕЛТА.
Агульная колькасць захварэлых на каранавірус на планеце складае 251 081 245 чалавек. За ўвесь час пандэміі COVID-19 выздаравелі больш за 227,3 млн інфіцыраваных. Больш за ўсё выпадкаў заражэння зафіксавана ў ЗША - звыш 47,4 млн (памерлі 776,2 тыс., выздаравелі 37,4 млн). На другім месцы Індыя - больш за 33,3 млн (памерлі 461,3 тыс., выздаравелі 33,7 млн). Трэцяе месца ў Бразіліі - больш за 21,8 млн (памерлі 609,6 тыс., выздаравелі амаль 21,1 млн).-0-