2 сакавіка, Мінск /Кар. БЕЛТА/. Кіруючая Народна-дэмакратычная партыя Таджыкістана перамагла на парламенцкіх выбарах, набраўшы 50,4 працэнта галасоў. Гэтыя даныя па выніках галасавання назваў на брыфінгу старшыня Цэнтральнай камісіі па выбарах і рэферэндумах Таджыкістана Бахціер Худаерзода, паведамляе ТАСС.
"Народна-дэмакратычная партыя Таджыкістана на парламенцкіх выбарах набрала 50,4 працэнта галасоў", - паведаміў Бахціер Худаерзода. Такім чынам, партыя атрымала 12 мандатаў.
Парламенцкія выбары ў Таджыкістане адбыліся 1 сакавіка. Яўка склала 86,4 працэнта.-0-