2 жніўня, Мінск /Кар. БЕЛТА/. Чатыры чалавекі загінулі ў выніку крушэння верталёта на поўначы штата Каліфорнія. Аб гэтым паведамляе ТАСС са спасылкай на агенцтва Associated Press.
Паводле звестак агенцтва, верталёт Robinson R66 разбіўся 1 жніўня каля 13.15 па мясцовым часе (23.15 мск) на поўначы ад горада Сакрамента. На борце ляцелі чатыры чалавекі, усе яны загінулі.
Інфармацыя аб прычыне здарэння і загінулых пакуль не прыводзіцца. Расследаваннем абставін катастрофы займаюцца Федэральнае авіяцыйнае ўпраўленне і Нацыянальны савет ЗША па бяспецы на транспарце.-0-
