9 лістапада, Мінск /Кар. БЕЛТА/. Юніёрская зборная Беларусі па хакеі (U-17) перамагла Казахстан з лікам 6:2 (2:0, 1:1, 3:1) на Кубку Прэзідэнцкага спартыўнага клуба ў Мінску, паведамляе карэспандэнт БЕЛТА.
Гаспадары пляцоўкі на малой лядовай пляцоўцы ў "Чыжоўка-Арэне" змаглі ў першым перыядзе закінуць двойчы. Камфортная перавага дала магчымасць беларусам кантраляваць ход сустрэчы і дабіцца поспеху.
У другой гульні другога тура Расія была мацнейшая за Латвію з лікам 6:2.
Спаборніцтвы завершацца ў "Чыжоўка-Арэне" 10 лістапада. У заключны дзень каманда Расіі згуляе з Казахстанам, а Беларусь сустрэнецца з Латвіяй.
Розыгрыш Кубка Прэзідэнцкага спартыўнага клуба праводзіцца на пастаяннай аснове з 2007 года. У мінулым годзе пераможцам турніру стала каманда Расіі. Юныя беларускія хакеісты тройчы выйгравалі ганаровы трафей: у 2008, 2009 і 2014 гадах.-0-
