31 кастрычніка, Мінск /Кар. БЕЛТА/. Трэнерскі штаб нацыянальнай каманды Беларусі па цяжкай атлетыцы канчаткова вызначыўся са складам на турнір алімпійскай кваліфікацыі Alexander cup 2019, прысвечаны памяці двухразовага алімпійскага чэмпіёна Аляксандра Курловіча, паведамляе карэспандэнт БЕЛТА.
Старты пройдуць у Гродне 2-4 лістапада. У жаночай частцы праграмы выступяць беларускі Юлія Асаёнак (45 кг), Дзіна Сазанавец і Дар'я Навумава (абедзве - 76 кг).
У мужчынскіх стартах Беларусь прадставяць Генадзь Лапцеў (67 кг), Вадзім Ліхарад (73 кг), Пётр Асаёнак (81 кг), Максім Мудрэўскі (89 кг), Яўген Ціханцоў (96 кг), Андрэй Арамнаў (109 кг), Эдуард Зязюлін і Аляксей Мжачык (абодва звыш 109 кг).
Alexander cup 2019 - ліцэнзійны турнір сярэбранага ўзроўню. Удзел у такіх стартах абавязковы для спартсменаў, якія прэтэндуюць на выступленне ў Токіа-2020. Папярэднім кваліфікацыйным спаборніцтвам для беларускіх цяжкаатлетаў быў кастрычніцкі "Кубак Міжземнамор'я" ў Сан-Марына, па выніках якога беларусы выйгралі сем узнагарод рознай вартасці.-0-
