18 сакавіка, Мінск /Кар. БЕЛТА/. Сёння ў Мінску адбылася жараб'ёўка паўфінальных пар розыгрышу Кубка Беларусі па футболе, паведамляе карэспандэнт БЕЛТА.
Футбалісты "Іслачы" (Мінскі раён), якія выбілі ў чвэрцьфінале барысаўскі БАТЭ, у барацьбе за выхад у фінал двойчы сустрэнуцца з віцэ-чэмпіёнам Беларусі салігорскім "Шахцёрам".
Бронзаваму прызёру нацыянальнага першынства мінскаму "Дынама" давядзецца пазмагацца з "Віцебскам". Для віцябчан вельмі важна прабіцца ў фінал, бо вырашальны паядынак кубкавага турніру адбудзецца 26 мая ў іх родным горадзе.
Першыя паўфінальныя сустрэчы адбудуцца 10 красавіка, у адказ - 1 мая.-0-
