27 чэрвеня, Мінск /Кар. БЕЛТА/. На пляцоўцы сталічнай "Чыжоўка-Арэны" завяршыўся міжнародны турнір па валейболе сярод дзяўчат (U16) і юніёрак (U17), паведамляе карэспандэнт БЕЛТА.
Удзел у спаборніцтвах прынялі па дзве каманды з Беларусі і Расіі. Па выніках групавога этапу, які прайшоў з 23 па 25 чэрвеня, у фінал выйшлі не маючая паражэнняў зборная Расіі U17, а таксама каманда Беларусі U16 (дзве перамогі ў трох матчах). У вырашальнай сустрэчы расіянкі былі мацнейшыя - 3:0, беларускім дзяўчатам дасталіся сярэбраныя медалі.
У паядынку за трэцяе месца турніру зборная Беларусі U17 таксама з сухім лікам была мацнейшая за каманду Расіі U16 (25:17, 25:16, 25:20).-0-
