12 мая, Мінск /Кар. БЕЛТА/. На трэку веладрома "Мінск-Арэна" стартуе адкрыты чэмпіянат Беларусі па веласпорце ў неалімпійскіх відах, паведамілі БЕЛТА ў прэс-службе БФВС.
У спаборніцтвах прымуць удзел каманды абласцей Беларусі і Мінска, зборная Расіі, калектывы з Тулы, Омска, Санкт-Пецярбурга, а таксама расійскія клубныя каманды ALEX TEAM і "Марафон". У складах каманд выступяць лепшыя веласіпедысты абедзвюх краін, сярод якіх прызёры чэмпіянатаў свету і Еўропы.
Усяго на турніры чакаецца ўдзел амаль 200 спартсменаў, спаборніцтвы пройдуць у трох узроставых катэгорыях: юніёрскай, маладзёжнай і дарослай. За чатыры дні будзе разыграна 44 камплекты ўзнагарод. У праграме мерапрыемства таксама прадстаўлены адкрытыя рэспубліканскія спаборніцтвы ў алімпійскіх відах.-0-
