ДЗЯРЖОРГАНЫДЗЯРЖОРГАНЫ
Пятніца, 26 лютага 2021
Мінск Суцэльная воблачнасць +5°C
Усе навіны
Усе навіны
Спорт
28 сакавіка 2019, 11:31

Трэнерскі штаб зборнай Беларусі па хакеі назваў спіс ігракоў на красавіцкі збор да ЧС у першым дывізіёне

28 сакавіка, Мінск /Кар. БЕЛТА/. Трэнерскі штаб на чале з Андрэем Сідарэнкам назваў спіс хакеістаў, якія пачнуць работу ў красавіку ў лагеры нацыянальнай зборнай да чэмпіянату свету, паведамілі карэспандэнту БЕЛТА ў прэс-службе Федэрацыі хакея Беларусі.

У папярэднім спісе 15 прозвішчаў:

варатар - Мікіта Талапіла;

абаронцы - Кірыл Гатавец, Алег Явенка, Яўген Лісавец, Крысціян Хенкель, Раман Дзюкаў, Дзмітрый Корабаў, Уладзіслаў Калячонак;

нападаючыя - Вячаслаў Андрушчанка, Арцём Волкаў, Аляксандр Кітараў, Яўген Кавыршын, Даніла Карабань, Уладзіслаў Міхальчук, Мікіта Феакцістаў.

У час красавіцкага збору і чэмпіянату свету настаўніку нацыянальнай зборнай будуць дапамагаць Андрэй Кавалёў, Віталь Коваль і Павел Перапехін.

Збор хакеістаў стартуе 1 красавіка на базе "Чыжоўка-Арэны". Там жа 5 і 6 красавіка каманда правядзе два выставачныя матчы супраць алімпійскай каманды Расіі. У сувязі з некамплектам складу зборнай паводле стану на пачатак красавіка ФХБ дапускае магчымасць пераносу старту серыі плэй-оф за трэцяе месца нацыянальнага чэмпіянату на больш познія тэрміны - пасля заканчэння беларуска-расійскіх спарынгаў.

Наступны трэніровачны матч зборная Беларусі правядзе 25 красавіка ў Нур-Султане (Казахстан) супраць гаспадароў будучага чэмпіянату свету дывізіёна 1А. Сусветны форум у гэтай групе пройдзе ў Нур-Султане з 29 красавіка па 5 мая.

За дзве пуцёўкі ў вышэйшы свет таксама паспрачаюцца зборныя Славеніі, Венгрыі, Паўднёвай Карэі і Літвы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі