ДЗЯРЖОРГАНЫДЗЯРЖОРГАНЫ
Флаг Нядзеля, 24 кастрычніка 2021
Мінск Малавоблачна +2°C
Усе навіны
Усе навіны
Спорт
21 верасня 2021, 09:02

Студэнтка БДУ стала чэмпіёнкай Еўропы па шашках-64

Фота з архіва
Фота з архіва

21 верасня, Мінск /Кар. БЕЛТА/. Трэцякурсніца факультэта міжнародных адносін Беларускага дзяржаўнага ўніверсітэта Яна Якубовіч стала чэмпіёнкай Еўропы па шашках-64 у класічнай праграме сярод жанчын. Серабро заваявала Вера Хвашчынская з Бабруйска, трэцяе месца ў Эмы Саўрас з Гродна, паведамілі БЕЛТА ў прэс-службе БДУ.

Яна Якубовіч - гросмайстар, дзеючая чэмпіёнка свету, займае 5-е месца ў сусветным рэйтынгу па рускіх шашках сярод жанчын. Таксама яна заваявала сярэбраны медаль у хуткім туры, уступіўшы перамогу Веры Хвашчынскай. Бронзавым прызёрам гэтай гульні стала беларуска Паліна Петрусева.

Чэмпіянат прайшоў з 10 па 19 верасня ў пасёлку Курэмаа (Эстонія) і стаў адборачным этапам да чэмпіянату свету 2022 года. Ён уключаў таксама спаборніцтвы сярод мужчын і жанчын па трох праграмах: класічнай, хуткай і імгненнай. Усяго ў спаборніцтвах прынялі ўдзел спартсмены з 13 краін, у тым ліку Беларусі, Расіі, Эстоніі, Літвы, Ізраіля, Малдовы, Чэхіі.

Арганізатарамі спартыўнага спаборніцтва выступілі Міжнародная федэрацыя шашак (IDF), Йыгеваскі шашачны клуб сумесна з Эстонскім саюзам шашак.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі