ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Спорт
29 чэрвеня 2021, 10:19

"Спадарожнік" перамог "Віцебск" у футбольным чэмпіянаце Беларусі, уступаючы 0:3

Фота з архіва
Фота з архіва

29 чэрвеня, Мінск /Кар. БЕЛТА/. На футбольным чэмпіянаце Беларусі 28 чэрвеня завяршыліся сустрэчы 14-га тура, паведамляе карэспандэнт БЕЛТА.

Футбалісты "Віцебска" выйгравалі ў гасцях у аднаго з аўтсайдараў турніру рэчыцкага "Спадарожніка" з лікам 3:0, але потым умудрыліся прапусціць чатыры мячы і прайгралі з рэзультатам 3:4. У першым тайме вароты гаспадароў паразілі Аляксандр Ксенафонтаў і Глеб Расадкін, а адразу пасля перапынку Жуліа Сезар забіў трэці гол. Пасля гэтага госці вырашылі, што перамога ўжо нікуды не дзенецца, і былі пакараны за самаўпэўненасць. Спачатку галявы дубль аформіў форвард "Спадарожніка" Яўген Козел, потым Арсеній Канцадайлаў аднавіў раўнавагу, а на 4-й кампенсаванай мінуце другога тайма Даніла Вараб'ёў забіў пераможны гол. Гэта другая вікторыя рэчыцкіх футбалістаў у названым першынстве, і яны пакінулі апошняе месца ў турнірнай табліцы.

У апошнім паядынку гэтага тура гродзенскі "Нёман" прымаў на сваёй арэне мінскае "Дынама".

Рэзультаты астатніх матчаў: "Шахцёр" (Салігорск) - "Дынама" (Брэст) - 1:1, БАТЭ (Барысаў) - "Тарпеда-БелАЗ" (Жодзіна) - 3:0, "Іслач" (Мінскі раён) - "Мінск" - 1:1, "Рух" (Брэст) - "Слуцк" - 1:0, "Славія" (Мазыр) - "Энергетык-БДУ" (Мінск) - 2:3, "Смаргонь" - "Гомель" - 1:2.

Турнірнае становішча: "Шахцёр" - 40 ачкоў, БАТЭ - 35, "Рух" - 28, "Гомель" - 27, "Дынама" (Мінск) - 23, "Дынама" (Брэст) - 20, "Мінск" - 20, "Віцебск" - 19, "Энергетык-БДУ" - 18, Тарпеда-БелАЗ" - 18, "Іслач" - 15, "Слуцк" - 11, "Славія" - 9, "Нёман" - 8, "Спадарожнік" - 7, "Смаргонь" - 6.

Бамбардзірскую гонку ўзначальвае гамбійскі форвард салігорскага "Шахцёра" Дэмба Дарба, які забіў 13 мячоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі