Дзінара Смольская. Фота НАК
21 снежня, Мінск /Кар. БЕЛТА/. Беларуска Дзінара Смольская стала
прызёрам жаночай гонкі праследавання на трэцім этапе Кубка Садружнасці
па біятлоне, які праходзіць у Чайкоўскім Пермскага края, паведамляе
карэспандэнт БЕЛТА.
Удзел у жаночым пасьюце прынялі 39 спартсменак. Смольская, якая пабегла на дыстанцыю пад 7-м нумарам, не вельмі ўдала прайшла абодва агнявыя рубяжы са становішча лежачы, дапусціўшы ўвогуле тры промахі. Аднак на стральбе стоячы Дзінара была бездакорна, дзякуючы чаму паднялася на другое месца, уступіўшы толькі лідару агульнага заліку Кубка Садружнасці Вікторыі Сліўко. Яшчэ адна наша спартсменка Ганна Сола другі раз запар заняла чацвёртае месца. Падняцца ў тройку прызёраў, якую замкнула Наталля Шаўчэнка, беларусцы перашкодзілі восем штрафных кругоў.
Сяброўка Смольскай і Солы па камандзе Ірына Шаклеіна размясцілася на 18-й пазіцыі, астатнія прадстаўніцы Беларусі фінішавалі па-за топ-20. Ксенія Варабей стала 24-й, Алена Кулак - 26-я, Дар'я Кудаева - 27-я, Адэліна Сабітава - 31-я, Ганна Песцерава - 34-я. Раней у суботу адбылася мужчынская гонка праследавання, у якой наш Антон Смольскі спыніўся за крок ад п'едэстала, а Дзмітрый Лазоўскі замкнуў дзясятку лепшых.
Праграму трэцяга этапу Кубка Садружнасці па біятлоне ў Чайкоўскім завершаць нядзельныя мас-старты. Мужчыны пачнуць розыгрышы медалёў у 9.30 па мінскім часе, дзяўчаты выйдуць на старт апоўдні.-0-
Падпісвайцеся на нас у
