8 снежня, Мінск /Кар. БЕЛТА/. Сапернікам гандбалістаў мінскага СКА ў 1/8 фіналу розыгрышу Кубка ЕГФ стаў шведскі "Шоўдэ". Такі вынік жараб'ёўкі, праведзенай 7 снежня ў Вене, паведамляе карэспандэнт БЕЛТА.
Першы матч адбудзецца 12 або 13 лютага 2022 года на пляцоўцы шведскага клуба, паядынак у адказ за выхад у чвэрцьфінал пройдзе 19 або 20 лютага ў Мінску. У 1/32 фіналу гэтых спаборніцтваў віцэ-чэмпіёны Беларусі былі мацнейшымі за ісландскі клуб "Хабнарф'ёрдзюр" - 37:29 (у гасцях) і 25:26 (дома), а ў 1/16 фіналу па суме дзвюх сустрэч перамог турэцкі "Бешыкташ" са Стамбула - 25:28 (у гасцях) і 34:22 (дома). Гандбалісты "Шоўдэ" на папярэднім этапе двойчы перайгралі на сваёй пляцоўцы ізраільскі "Рамат-Хашрон" - 37:28 і 35:29.
Склады астатніх пар 1/8 фіналу Кубка ЕГФ:
"Потайса" (Турда, Румынія) - "Алінгсос (Швецыя)";
"Эш" (Люксембург) - "Пльзень" (Чэхія);
"Драмен" (Нарвегія) - СКІФ (Краснадар, Расія);
"Бая-Марэ" (Румынія) - ПАОК (Салонікі, Грэцыя);
"Карвіна" (Нове-Места, Чэхія) - "Арау" (Швейцарыя);
"Нербе" (Нарвегія) - "Факшані" (Румынія);
"СДАУ-Саратаў" (Расія) - "Віктар" (Стаўрапаль, Расія).-0-
