22 красавіка, Мінск /Кар. БЕЛТА/. У розыгрышы Кубка Беларусі ў футболе прайшлі стартавыя паядынкі паўфінальнай стадыі, паведамляе карэспандэнт БЕЛТА.
У першым з іх дзеючы чэмпіён краіны салігорскі "Шахцёр" з вялікай цяжкасцю адолеў на сваім полі "Іслач" з Мінскага раёна з мінімальнай перавагай - 1:0. Адзіны гол у гэтай сустрэчы быў забіты на 76-й хвіліне, калі паўабаронца гасцей Максім Мякіш зрэзаў мяч у свае вароты. У чвэрцьфінале "Шахцёр" быў мацнейшы за гродзенскі "Нёман", а "Іслач" перамагла футбалістаў "Мінска".
Пазней цяперашнія ўладальнікі Кубка футбалісты барысаўскага БАТЭ згуляюць у сябе дома з жодзінскім "Тарпеда-БелАЗам". У чвэрцьфіналах БАТЭ выйграў у "Віцебска", а тарпедаўцы перамаглі прадстаўніка другога дывізіёна нацыянальнага першынства дзяржынскі "Арсенал".
Паядынкі ў адказ за выхад у фінал пройдуць 5 мая ў Жодзіне і Мінску. Вырашальны паядынак 30-га Кубка Беларусі адбудзецца 23 мая ў Гомелі.
У фінальным матчы мінулага кубкавага розыгрышу футбалісты БАТЭ з вынікам 1:0 перамаглі ў дадатковы час брэсцкае "Дынама".-0-
