23 чэрвеня, Мінск /Кар. БЕЛТА/. Пасля зацвярджэння новых тэрмінаў чэмпіянату свету па хакеі - 2021, які пройдзе ў Мінску і Рызе з 21 мая па 6 чэрвеня 2021 года, пачаў працаваць афіцыйны сайт турніру, паведамілі карэспандэнту БЕЛТА ў прэс-службе Федэрацыі хакея Беларусі.
Старонка (iihf.com/en/events/2021/wm), прысвечаная планетарнаму форуму, аформлена на англійскай, рускай і латышскай мовах. Навіны аб маючым адбыцца турніры можна даведацца і на афіцыйных старонках у сацыяльных сетках Facebook, Instagram, Twitter і "УКантакце". Паведамляецца таксама, што выйшаў першы прома-ролік маючага адбыцца чэмпіянату свету. Расклад і інфармацыя аб продажы білетаў будуць аб'яўлены пазней.
84-ы чэмпіянат свету па хакеі чацвёрты раз у гісторыі турніру пройдзе адразу ў дзвюх краінах - Беларусі і Латвіі. Такое рашэнне было прынята на кангрэсе Міжнароднай федэрацыі хакея з шайбай у Кёльне ў 2017 годзе.
У Мінску матчы правядуць каманды групы А - Расія, Швецыя, Чэхія, Швейцарыя, Славакія, Данія, Беларусь і Вялікабрытанія. Удзельнікі групы B - Канада, Фінляндыя, ЗША, Германія, Латвія, Нарвегія, Італія, Казахстан - згуляюць у Рызе. Фінал планетарнага першынства адбудзецца 6 чэрвеня ў "Мінск-Арэне".-0-
