20 верасня, Мінск /Кар. БЕЛТА/. Беларуска Арына Сабаленка па-ранейшаму займае другое месца ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
На мінулым тыдні лепшая беларуская тэнісістка не гуляла і ў яе актыве засталося 7720 балаў. Экс-першая ракетка планеты Вікторыя Азаранка страціла тры пазіцыі і цяпер знаходзіцца на 35-м месцы (1801 ачко), Аляксандра Сасновіч паднялася на 107-е месца (740), Вольга Гаварцова займае 134-ы радок (564).
Топ-10 рэйтынгу WTA:
1. Эшлі Барці (Аўстралія) - 10 075 ачкоў;
2. Арына Сабаленка (Беларусь) - 7720;
3. Караліна Плішкава (Чэхія) - 5315;
4. Эліна Світоліна (Украіна) - 4860;
5. Барбара Крэйчыкава (Чэхія) - 4668;
6. Іга Свёнтак (Польшча) - 4571;
7. Сафія Кенін (ЗША) - 4413;
8. Наомі Осака (Японія) - 4326;
9. Гарбінье Мугуруса (Іспанія) - 4135;
10. Петра Квітава (Чэхія) - 4060.
У рэйтынгу Асацыяцыі тэнісістаў-прафесіяналаў (АТР) беларус Ілья Івашка ўпершыню ў кар'еры падняўся на 52-е месца (1305 балаў). Ягор Герасімаў займае 97-ю пазіцыю (769).
Першая дзясятка рэйтынгу АТР за мінулы тыдзень не змянілася:
1. Новак Джокавіч (Сербія) - 12 133 ачкі;
2. Данііл Мядзведзеў (Расія) - 10575;
3. Стэфанас Цыцыпас (Грэцыя) - 8350;
4. Аляксандр Звераў (Германія) - 7760;
5. Андрэй Рублёў (Расія) - 6130;
6. Рафаэль Надаль (Іспанія) - 5815;
7. Матэа Берэціні (Італія) - 5173;
8. Дамінік Цім (Аўстрыя) - 4995;
9. Роджэр Федэрэр (Швейцарыя) - 3765;
10. Каспер Рууд (Нарвегія) - 3440.-0-
