20 кастрычніка, Мінск /Кар. БЕЛТА/. Прэзідэнцкі спартыўны клуб і грамадскае аб'яднанне "Беларускі камітэт "Спешыял Алімпікс" падпісалі мемарандум аб супрацоўніцтве, перадае карэспандэнт БЕЛТА.
Ва ўрачыстай цырымоніі, якая адбылася ў штаб-кватэры Прэзідэнцкага спартыўнага клуба, прынялі ўдзел кіраўнік арганізацыі Дзмітрый Лукашэнка і выканаўчы дырэктар ГА "Беларускі камітэт "Спешыял Алімпікс" Ларыса Таболіна, якія паставілі подпісы пад дакументам.
"Наша супрацоўніцтва доўжыцца ўжо некаторы час і з падпісаннем гэтага дакумента ўзнімецца на якасна новы ўзровень. Асноўная мэта - правядзенне пры дапамозе Прэзідэнцкага спартыўнага клуба мерапрыемстваў, якія дадуць нам магчымасць рэалізаваць галоўныя мэты, што пастаўлены перад рухам Special Olympics. Перш за ўсё гэта сацыяльная рэабілітацыя дзяцей з асаблівасцямі развіцця, прывіццё ім навыкаў здаровага ладу жыцця і фарміраванне спартыўных навыкаў. Акрамя таго, гэта развіццё розных праграм падэгідай Special Olympics: валанцёрскай, медыцынскай, бацькоўскай і вялікай колькасці іншых праграм спецыяльнага алімпійскага руху ў нашай краіне", - пракаменціравала падпісанне дакумента Ларыса Таболіна.
Беларускі камітэт "Спешыял Алімпікс" праводзіць шырокамаштабную работу па сацыяльнай рэабілітацыі асоб з асаблівасцямі інтэлекту праз заняткі спортам. Штогод аб'яднаннем праводзяцца рэгіянальныя і рэспубліканскія спаборніцтвы па футболе, баскетболе, настольным тэнісе, плаванні, лёгкай атлетыцы і іншых спецыяльных алімпійскіх відах спорту. Арганізуюцца спартыўныя трэніроўкі і адборачныя спаборніцтвы з мэтай падрыхтоўкі зборнай Рэспублікі Беларусь да еўрапейскіх і міжнародных спецыяльных Алімпійскіх гульняў.
Прэзідэнцкі спартыўны клуб выступае ў падтрымку спецыяльнага алімпійскага руху, які ўносіць неацэнны ўклад у вырашэнне пытанняў адаптацыі людзей з парушэннямі інтэлектуальнага развіцця і пабудовы інклюзіўны свету.-0-
