Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Пракапенка: сусветны форум у Мехіка - гістарычны для беларускага пяцібор'я

Спорт 17.09.2018 | 14:02
Настасся Пракапенка
Настасся Пракапенка

17 верасня, Мінск /Кар. БЕЛТА/. Чэмпіянат свету ў Мехіка стаў гістарычным для беларускага сучаснага пяцібор'я. Аб гэтым заявіла карэспандэнту БЕЛТА ўладальніца дзвюх залатых узнагарод турніру Настасся Пракапенка.

Нацыянальная каманда Беларусі вярнулася з Мексікі ў выдатным настроі. Жаночая эстафета ў складзе Настассі Пракапенка і Ірыны Прасянцовай заняла першае месца, лідар зборнай Настасся Пракапенка пазней паўтарыла поспех у індывідуальным заліку.

"Чэмпіянат быў складаным для многіх атлетаў. Мехіка знаходзіцца на вышыні 2 240 м, і для многіх атлетаў такія ўмовы - складаныя выпрабаванні. Беларуская каманда перад сусветным форумам прайшла збор у гарах у Італіі, таму былі падрыхтаваны добра. Аднак і ў такой сітуацыі Таццяна Халдоба, якая выступала разам са мной у індывідуальным заліку, мела праблемы з дыханнем. Мне ж удалося пазбегнуць усіх праблем і паказаць высокі рэзультат. Два залатыя медалі ў такой жорсткай канкурэнцыі, лічу, гэта гістарычнае дасягненне для беларускага пяцібор'я", - сказала Настасся Пракапенка.

У час чэмпіянату свету ў Мехіка беларускай пяціборцы ўручылі і бронзавую ўзнагароду Алімпійскіх гульняў у Пекіне. У сталіцы Кітая беларуска ўступіла трэцяе месца ўкраінцы Вікторыі Церашчук. Аднак допінг-проба ўкраінскай спартсменкі пасля пераправеркі дала станоўчы вынік на анабалічны стэроід турынабол. Па рашэнні Міжнароднага алімпійскага камітэта ўзнагароду перадалі Настассі Пракапенка. "Кожная ўзнагарода дарагая для мяне, з Алімпіяды-2008 асабліва. Дзесяць гадоў таму паехала ў Пекін з запаленнем лёгкіх, але змагла заняць высокае чацвёртае месца, а праз гады, бачыце, як усё павярнулася", - адзначыла спартсменка.

Настасся Пракапенка, якая з'яўляецца маці двух дзяцей, падкрэсліла, што без падтрымкі сям'і ёй не ўдалося б дасягнуць такіх рэзультатаў у спорце.

Апошнія два сезоны для вопытнай беларускай пяціборкі сталі самымі паспяховымі ў кар'еры: на дамашнім чэмпіянаце Еўропы-2017 і праведзеным у Мексіцы чэмпіянаце свету Настасся Пракапенка заваявала залатыя медалі.-0-

Фота Дзяніса Касцючэнкі

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.