Алімпіяда ледзь толькі паспела скончыцца, як набліжаюцца ўжо новыя спаборніцтвы. Беларускі плывец, двухразовы бронзавы прызёр чэмпіянату Еўропы на кароткай вадзе Віктар Стасяловіч, дзеліцца сваімі думкамі аб выступленні на Гульнях і надзеямі на чэмпіянат Еўропы.
- Як вы ацэньваеце вынікі нашых плыўцоў на Алімпійскіх гульнях?
- Мне здаецца, яны выступілі дастойна. Адзін толькі ўдзел у Алімпіядзе - гэта ўжо выдатны вынік! Не думаю, што нехта едзе на Алімпійскія гульні расслабляцца, - толькі выкладвацца на поўную.
- Тады чаму нашы плыўцы засталіся без медалёў?
- Прычын шмат. Ад вельмі вялікай канкурэнцыі да банальнай памылкі на дыстанцыі.
- На які вынік настройваецеся на Кубку свету?
- На жаль, мы ўсёй камандай прапускаем этапы Кубка свету, паколькі будзем рыхтавацца да маючага адбыцца чэмпіянату Еўропы ў Казані. Ён пройдзе ў лістападзе. Падрыхтоўка ідзе ў адпаведнасці з планам і поўным ходам. Мы павінны падысці да любых спаборніцтваў такога ўзроўню ў лепшай форме. Спадзяюся на прызавое месца.
- Наколькі добра развіта наогул плаванне ў Беларусі?
- Лічу, што нядрэнна. Хацелася б, каб больш юнакоў і дзяўчат выступала на спаборніцтвах такога ўзроўню, як чэмпіянат і Кубак краіны. Наогул наш від спорту набірае вялікую папулярнасць ва ўсім свеце, асабліва з прыходам камерцыйных спаборніцтваў і развіццём яго медыйнасці. Таму, дарэчы, ім пачынае цікавіцца ўсе больш аматараў. Іх становіцца, напэўна, столькі ж, колькі і прафесіяналаў-плыўцоў.
Кацярына НІФОНТАВА,
газета "7 дней".-0-