ДЗЯРЖОРГАНЫДЗЯРЖОРГАНЫ
Субота, 4 красавіка 2020
Мінск Малавоблачна +1°C
Усе навіны
Усе навіны
Спорт
29 студзеня 2020, 10:26

Мінскае "Дынама" разгромна прайграла СКА ў гасцявым матчы КХЛ

У час матчу. Фота ХК СКА
У час матчу. Фота ХК СКА

29 студзеня, Мінск /Кар. БЕЛТА/. Хакеісты мінскага "Дынама" ў гасцявым матчы чэмпіянату КХЛ разгромна прайгралі СКА з Санкт-Пецярбурга з лікам 0:5 (0:4, 0:0, 0:1), паведамляе карэспандэнт БЕЛТА.

Гаспадары пляцоўкі адразу ўключыліся ў гульню, расстрэльваючы галкіпера "зуброў". Ужо на першай хвіліне на дабіванні згуляў форвард СКА Максім Карпаў, удачна рэалізаваўшы большасць. Яго падтрымалі партнёры па камандзе нападаючыя Іван Марозаў і Ярна Коскіранта, якія ўмацавалі перавагу пецярбургскага клуба ў тры ачкі. У сярэдзіне дваццаціхвілінкі хакеісты СКА імгненна разыгралі камбінацыю і закінулі шайбу ў пусты вугал варот "Дынама". Аўтарам гола стаў Кірыл Марчанка.

У другім перыядзе гаспадары лядовай пляцоўкі знізілі хуткасць, але прадоўжылі асаджваць вароты Дэні Тэйлара. Лічбы на табло да пачатку другога перапынку не змяніліся.

У фінальным адрэзку сітуацыя паўтарылася: ігракі СКА знаходзіліся ў зоне мінчан і атакавалі. На 46-й хвіліне процістаяння Іван Марозаў з пятака закінуў гол, аформіўшы дубль. Да канца матчу "зубры" так і не змаглі адкрыць лік.

Наступны матч падапечныя Крэйга Вудкрафта 30 студзеня правядуць у гасцях у екацярынбургскага "Аўтамабіліста".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі