15 чэрвеня, Мінск /Кар. БЕЛТА/. Клубы Кантынентальнай хакейнай лігі (КХЛ), сярод якіх і мінскае "Дынама", падалі дакументы для ўдзелу ў наступным сезоне. Канчатковы склад удзельнікаў чэмпіянату будзе зацверджаны на савеце дырэктараў лігі, паведамляе БЕЛТА са спасылкай на прэс-службу КХЛ.
"23 клубы падалі ўжо фінансавыя дакументы ў адпаведнасці з рэгламентам, - сказаў прэзідэнт КХЛ Аляксей Марозаў. - У бягучых умовах усе пераглядаюць і паўторна аналізуюць свае планы і бюджэты. Гэта агульныя рабочыя пытанні, якія датычацца не толькі спорту. Фінансавыя дакументы, прысланыя клубамі, ліга вывучыла і прадставіць сваё заключэнне савету дырэктараў КХЛ, менавіта там і будзе зацверджаны канчатковы склад удзельнікаў".
У папярэднім сезоне КХЛ выступалі 24 каманды, аднак уладзівастоцкі "Адмірал" прапускае наступны сезон з-за сітуацыі з каранавірусам. У клубе засталіся толькі маладзёжныя каманды ў МХЛ і U-18.
Новы сезон лігі плануецца пачаць 2 верасня.-0-
