ДЗЯРЖОРГАНЫДЗЯРЖОРГАНЫ
Панядзелак, 27 студзеня 2020
Мінск Суцэльная воблачнасць 0°C
Усе навіны
Усе навіны
Спорт
08 жніўня 2019, 16:17

Мінск 4-11 лістапада прыме чэмпіянат Еўропы па тайскім боксе

Фота з архіва
Фота з архіва

8 жніўня, Мінск /Кар. БЕЛТА/. Чэмпіянат Еўропы па муай-тай пройдзе ў мінскім Палацы спорту з 4 па 11 лістапада. Адпаведны дагавор быў падпісаны сёння старшынёй Беларускай федэрацыі кікбоксінга і тайландскага бокса, міністрам унутраных спраў Юрыем Караевым і віцэ-прэзідэнтам Еўрапейскай федэрацыі муай-тай Анатолем Сімончыкам, перадае карэспандэнт БЕЛТА.

Плануецца, што ўдзел у кантынентальным форуме прымуць атлеты з больш як 35 краін.

Падводзячы вынікі праведзенага з 19 па 29 ліпеня ў Бангкоку (Тайланд) чэмпіянату свету па тайскім боксе, Юрый Караеў назваў выступленне беларускай зборнай паспяховым. Нашы спартсмены заваявалі сем узнагарод турніру і ў агульнакамандным заліку занялі шостае месца. На вышэйшую прыступку п'едэстала гонару паднялася Алёна Ляшкевіч (вагавая катэгорыя 45 кг), Мікіта Шостак (81 кг) і Яўген Волчак (86 кг) сталі другімі. Бронзавыя ўзнагароды выйгралі Мікіта Мірончык (51 кг), Даніла Ярмоленка (60 кг), Дзмітрый Варац (67 кг) і Дар'я Бялькова (60 кг).

"Складнікамі поспеху з'яўляюцца нашы беларускія трэнеры, якія з усёй адказнасцю, энтузіязмам і метадычным майстэрствам узялі гэту высокую планку шмат гадоў таму і яе трымаюць", - падкрэсліў Юрый Караеў.

Ён выказаў надзею, што на дамашнім форуме ў лістападзе беларускія спартсмены парадуюць балельшчыкаў новымі перамогамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі