16 сакавіка, Мінск /Кар. БЕЛТА/. Беларускі біятланіст Мікіта Лабастаў стаў пераможцам вялікага мас-старту на 60 чалавек на Кубку СБР ва Уфе, паведамляе карэспандэнт БЕЛТА.
На чатырох агнявых рубяжах Лабастаў не дапусціў ніводнага промаху і ў выніку фінішаваў першым. Эдуард Латыпаў з Башкортастана, які прыйшоў услед за беларусам, уступіў 12 секунд, трэцяе месца заняў прадстаўнік Новасібірскай вобласці Данііл Серахвостаў. Пераможца спрынту і пасьюту на Кубку СБР Антон Смольскі памыліўся на стрэльбішчы тройчы і стаў чацвёртым.
У гонцы з масавым стартам прынялі ўдзел яшчэ два беларусы: Дзмітрый Лазоўскі паказаў 17-ы рэзультат (4 промахі), Аляксандр Кошын - 34-ы (3).
У 11.30 па мінскім часе на старт мегамас-старту на Кубку СБР выйдуць жанчыны.-0-
