11 сакавіка, Мінск /Кар. БЕЛТА/. Хакеісты "Металурга" і "Нёмана" атрымалі дэбютныя перамогі ў серыях першага раўнда плэй-оф Кубка Прэзідэнта, паведамляе карэспандэнт БЕЛТА.
"Металург" у Жлобіне прымаў "Дынама-Маладзечна". На першы перапынак гаспадары ішлі з перавагай два галы, але ў канцоўцы другой трэці госці аднавілі парытэт. Аднак інтрыгі ў фінальнай 20-мінутцы не атрымалася: ігракі "Металурга" паразілі чужыя вароты тройчы. Падагульняючы лік - 5:2, дубль у складзе "ваўкоў" аформілі Аляксей Міхноў і Аляксей Маструкоў.
Тым часам "Нёман" павёў у серыі супраць "Гомеля". Як і ў паралельным паядынку, каманды пачалі трэці перыяд пры роўных лічбах на табло: гродзенцы двойчы выходзілі наперад, але абодва разы гаспадары адыгрываліся. Аднак на наступную шайбу гасцей "рысі" адказаць ужо не змаглі, кідок Арцёма Ляўшы за пяць мінут да сірэны прынёс "Нёману" першую перамогу - 3:2.
Другія матчы ў гэтых серыях пройдуць 12 сакавіка ў Жлобіне і Гомелі адпаведна.-0-
