5 чэрвеня, Мінск /Кар. БЕЛТА/. Матчам футбалістаў "Смалявіч" і "Гарадзеі" сёння пачнецца 12-ы тур чэмпіянату Беларусі, паведамляе карэспандэнт БЕЛТА.
У мінулым туры абодва сапернікі пацярпелі паражэнні: "Смалявічы" ўступілі ў гасцях жодзінскаму "Тарпеда-БелАЗу" (0:2), а "Гарадзея" на сваім полі прайграла гродзенскаму "Нёману" (0:2). Сённяшні паядынак пройдзе на полі барысаўскага гарадскога стадыёна і будзе паказаны ў прамым эфіры тэлеканала "Беларусь 5" (пачатак у 19.00).
Яшчэ чатыры сустрэчы адбудуцца 6 чэрвеня: "Іслач" (Мінскі раён) - "Рух" (Брэст), "Слуцк" - "Тарпеда-БелАЗ", "Славія" (Мазыр) - "Нёман", "Дынама" (Брэст) - "Мінск".
Лідар першынства барысаўскі БАТЭ свой матч 12-га тура правядзе 7 чэрвеня ў гасцях у "Віцебска". Таксама ў нядзелю бабруйская "Белшына" прыме на сваім полі мінскае "Дынама", а ў Салігорску мясцовы "Шахцёр" сустрэнецца з мінскім "Энергетыкам-БДУ".
Турнірнае становішча цяпер такое: БАТЭ - 25 ачкоў (11 матчаў), "Энергетык-БДУ" - 22 (11), "Тарпеда-БелАЗ" - 21 (11), "Шахцёр" - 21 (11), "Слуцк" - 17 (11), "Дынама" (Брэст) - 16 (11), "Іслач" - 15 (11), "Славія" - 15 (11), "Нёман" - 14 (10), "Рух" - 14 (11), "Віцебск" - 14 (11), "Мінск" - 13 (9), "Дынама" (Мінск) - 13 (11), "Гарадзея" - 12 (11), "Смалявічы" - 4 (10), "Белшына" - 3 (11).
Узначальваюць спіс лепшых бамбардзіраў Гегам Кадзімян ("Нёман") і Джасурбек Яхшыбоеў ("Энергетык-БДУ"), якія забілі па сем мячоў.-0-
