ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Спорт
01 чэрвеня 2021, 13:37

Матч футбалістаў маладзёжных зборных Беларусі і Кіпра перанесены

Фота з архіва
Фота з архіва

1 чэрвеня, Мінск /Кар. БЕЛТА/. Матч адборачнага турніру маладзёжнага чэмпіянату Еўропы паміж футбалістамі Беларусі і Кіпра перанесены, паведамляе карэспандэнт БЕЛТА.

Першапачаткова гэта сустрэча павінна была адбыцца ў суботу, 5 чэрвеня, на полі жодзінскага стадыёна "Тарпеда", але па запатрабаванні асацыяцыі футбола Кіпра і ўзгадненні з УЕФА матч перанесены на 1 чэрвеня 2022 года. Таксама не адбудзецца таварыскі матч беларускай і літоўскай маладзёжных зборных, які запланаваны на 8 чэрвеня.

Для беларускай "маладзёжкі" сустрэча з кіпрыётамі павінна была стаць першай у кваліфікацыйнай групе D. Футбалісты Кіпра правялі ўжо адзін матч, згуляўшы ўнічыю ў Афінах з грэчаскімі равеснікамі - 0:0. У гэтай групе таксама выступяць каманды Партугаліі, Ісландыі і Ліхтэнштэйна. Такім чынам, падапечныя Сяргея Ясінскага першы паядынак адборачнага турніру маладзёжнага чэмпіянату Еўропы правядуць 2 верасня 2021 года на сваім полі супраць ісландцаў.

Адборачны турнір прадоўжыцца да сярэдзіны чэрвеня 2022 года. Прамыя пуцёўкі ў фінальную частку 24-га кантынентальнага першынства атрымаюць пераможцы 9 кваліфікацыйных груп, а таксама лепшая са зборных, якія зоймуць другія месцы. Астатнія 8 каманд, якія фінішуюць другімі, правядуць матчы плэй-оф за 4 астатнія пропускі. Гаспадары фінальнага этапу маладзёжнага Еўра-2023 Грузія і Румынія вызвалены ад кваліфікацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі