29 жніўня, Мінск /Кар. БЕЛТА/. Галоўныя фаварыты жаночага чэмпіянату Беларусі па футболе ў матчах 18-га тура атрымалі буйныя вікторыі, паведамляе карэспандэнт БЕЛТА.
Лідары турніру футбалісткі сталічнага "Дынама-БДУФК" з сухім лікам 4:0 выйгралі ў мінскай "Зоркi-БДУ". "Мінск", які ідзе другім, гуляючы ў гасцях у "Смаргоні", прапусціў мяч на 5-й мінуце, але потым поўнасцю захапіў ініцыятыву і ў выніку перамог з буйным рэзультатам 6:1. Астатнія паядынкі таксама завяршыліся з мноствам забітых мячоў: Беларусь (U-19) - "Гомель" - 9:0, "Днепр" (Магілёў) - "Бабруйчанка" - 5:0, "Віцебск" - "Дынама" (Брэст) - 7:0.
Становішча ў лідзіруючай групе цяпер такое: "Дынама-БДУФК" - 49 ачкоў (17 матчаў), "Мінск" - 46 (17), "Зорка-БДУ" - 36 (17). Унізе турнірнай табліцы "Гомель", які набраў толькі адзін заліковы бал. Спіс лепшых бамбардзіраў узначальвае кенійка Вафула Некеса ("Мінск"), якая забіла 31 гол.-0-
