3 сакавіка, Мінск /Кар. БЕЛТА/. Хакеісты "Лакаматыва" на сваім лёдзе адолелі "Хімік" у другім матчы раўнда плэй-ін беларускай экстралігі, паведамляе карэспандэнт БЕЛТА.
Пасля паражэння ў першай гульні серыі "чыгуначнікаў" задавальняла толькі перамога. Падчас матчу аршанцы двойчы выходзілі ў ліку наперад, але абодва разы гасцям удавалася адыграцца. У выніку зыход паядынку вырашыўся ў авертайме, дзе вікторыю гаспадарам прынёс Максім Субоцін - 3:2.
Такім чынам, лік у серыі да дзвюх перамог паміж "Хімікам" і "Лакаматывам" зраўнаваўся - 1:1. Уладальнік апошняй пуцёўкі ў плэй-оф Кубка Прэзідэнта вызначыцца 4 сакавіка ў Наваполацку.-0-