3 сакавіка, Мінск /Кар. БЕЛТА/. Міністр спорту і турызму Сяргей Кавальчук на сумесным пасяджэнні НАК Беларусі і Мінспорту падзяліўся меркаваннем наконт бягучай сітуацыі ў беларускім спорце, паведамілі БЕЛТА ў прэс-службе НАК.
Паводле слоў міністра, на гэты час актыўна прапрацоўваюцца пытанні аб сумесных з расійскім бокам зборах і турнірах, таксама аператыўна ўносяцца змяненні ў каляндар спаборніцтваў.
"Варта звярнуць увагу на гульнявыя віды спорту і прапрацаваць магчымасці стварэння сумесных ліг. Думаю, балельшчыкі толькі выйграюць, калі ў Беларусь прыедуць санкт-пецярбургскі "Зеніт" і маскоўскія ЦСКА са "Спартаком", - адзначыў міністр. - У існуючых умовах важна, каб ні адзін наш трэнер і спартсмен не пацярпелі. Атлеты павінны разумець - іх інтарэсы не будуць ушчэмлены".-0-