26 красавіка, Мінск /Кар. БЕЛТА/. Беларускі тэнісіст Ілья Івашка (107-ы нумар сусветнага рэйтынгу) выйшаў у 1/8 фіналу турніру катэгорыі АТР-250 у нямецкім Мюнхене з прызавым фондам 419,5 тыс. еўра, паведамляе карэспандэнт БЕЛТА.
Сёння ў паядынку 1/16 фіналу беларус упэўнена перамог фіна Эміля Руусувуоры (75) - 6:1, 6:2. Сустрэча прадаўжалася 1 гадзіну 7 мінут. У асноўную сетку гэтых спаборніцтваў Ілья Івашка прабіўся праз кваліфікацыю, перамогшы паляка Каміла Майчрзака і літоўскага тэнісіста Рычардаса Беранкіса.
Сапернікам яшчэ аднаго беларускага тэнісіста Ягора Герасімава (76) сёння будзе аргенцінец Гвіда Пелья (55).
Турнір у Мюнхене завершыцца 2 мая.-0-
