5 мая, Мінск /Кар. БЕЛТА/. Нападаючы мінскага "Дынама" Іван Бахар прызнаны лепшым іграком шостага тура футбольнага чэмпіянату Беларусі, паведамляе карэспандэнт БЕЛТА.
У дамашнім паядынку з лідарам турніру барысаўскім БАТЭ (2:2) 23-гадовы форвард мінчан аформіў галявы дубль і быў адным з лепшых у складзе дынамаўцаў. Усяго ў гэтым сезоне Іван Бахар забіў тры мячы.
Аўтарам самага прыгожага гола мінулага тура стаў сербскі абаронца БАТЭ Аляксандр Філіповіч, які эфектным далёкім ударам трапіў у вароты сталічнага "Дынама".
Становішча каманд пасля шасці тураў: БАТЭ - 16 ачкоў, "Энергетык-БДУ" (Мінск) - 13, "Дынама" (Мінск) - 12, "Мінск" - 10, "Гомель", "Нёман" (Гродна), "Слуцк", "Іслач" (Мінскі раён), "Шахцёр" (Салігорск) - па 9, "Славія" (Мазыр) - 7, "Белшына" (Бабруйск), "Віцебск" - па 6, "Тарпеда-БелАЗ" (Жодзіна), "Арсенал" (Дзяржынск) - па 4, "Дынама" (Брэст) - 3, "Днепр" (Магілёў) - 1.
Бамбардзірскую гонку ўзначальвае ўзбекскі нападаючы "Энергетыка-БДУ" Бабір Абдухолікаў, у актыве якога 8 забітых мячоў.
У наступным туры сустракаюцца:
7 мая "Арсенал" - "Іслач", "Днепр" - "Тарпеда-БелАЗ", "Белшына" - "Слуцк", "Славія" - "Дынама" (Брэст);
8 мая "Мінск" - "Нёман", БАТЭ - "Віцебск", "Энергетык-БДУ" - "Шахцёр", "Гомель" - "Дынама" (Мінск).-0-
