13 чэрвеня, Мінск /Кар. БЕЛТА/. Хакеісты "Сент-Луіса" абыгралі ў сёмым матчы фінальнай серыі ў барацьбе за Кубак Стэнлі Бостан з лікам 4:1 і сталі ўладальнікамі ганаровага трафея, паведамляе карэспандэнт БЕЛТА.
Пасля паражэння на дамашняй пляцоўцы (1:5), "блюзмены" не дапусцілі памылак у абароне. Аўтарамі галоў у складзе пераможцаў сталі Раян О'Райлі, Алекс П'етранджэла, Брэйдэн Шэн і Зак Сэнфард, у "Бостана" гол прэстыжу правёў Мэт Грызлік.
"Сент-Луіс" выйграў фінальную серыю - 4:3 і ўпершыню заваяваў Кубак Стэнлі. Уладальнікамі ганаровага трафея ў складзе пераможцаў сталі Уладзімір Тарасенка і Іван Барбашаў. Раней "Сент-Луіс" толькі даходзіў у плэй-оф да фіналу. Гэта здарылася ў 1969 годзе, але ўступіў "Манрэалю".
Самым каштоўным іграком плэй-оф-2019 у НХЛ стаў Раян О'Райлі, які па сістэме "гол+пас" набраў 23 ачкі. У 2012 і 2013 гадах выступаў у Кантынентальнай хакейнай лізе за магнітагорскі "Металург".
Абаронца "Сент-Луіса" Джэй Боўмістэр увайшоў у Трайны залаты клуб і стаў 29 членам гэтай элітнай групы. Ігрок з'яўляецца алімпійскім чэмпіёнам у складзе зборнай Канады ў 2014 годзе, у 2003 і 2004 гадах перамагаў на чэмпіянатах свету.-0-