23 лютага, Мінск /Кар. БЕЛТА/. Хакеісты мінскага "Дынама" на сваім лёдзе прайгралі ўфімскаму "Салавату Юлаеву" ў таварыскім матчы, паведамляе карэспандэнт БЕЛТА.
Госці адкрылі лік ужо на 22-й секундзе сустрэчы, аднак мінчанам хапіла ўсяго 4 мінут, каб аднавіць парытэт - вызначыўся Маціяс Тэдэнбю.
Крыху пазней "зубры" намаганнямі Паўла Варфаламеева і зусім выйшлі наперад, але яшчэ да перапынку ўфімцы зрабілі лічбы на табло роўнымі - 2:2.
У другой трэці гледачы ўбачылі ўсяго адну шайбу, яе на экватары матчу правялі хакеісты саперніка. У пачатку фінальнага перыяду лік зноў зраўнаваўся - Тэдэнбю аформіў дубль, аднак праз 30 секунд госці зноў павялі. Адыграцца трэці раз мінчане не змаглі, замест гэтага падапечныя Вудкрафта атрымалі дзве шайбы ў пустыя вароты ў канцы гульні. Падагульняючы лік - 6:3 на карысць "Салавата".
Спарынг у Мінску каманды правялі ў рамках падрыхтоўкі да плэй-оф КХЛ. Першы матч стартавага раўнда супраць СКА хакеісты "Дынама" правядуць у Санкт-Пецярбургу 2 сакавіка.-0-