21 кастрычніка, Мінск /Кар. БЕЛТА/. Брэсцкі дынамавец Міхаіл Гардзяйчук стаў лепшым іграком 26-га тура футбольнага чэмпіянату Беларусі па версіі асацыяцыі "Беларуская федэрацыя футбола", паведамляе карэспандэнт БЕЛТА.
У пераможным паядынку з землякамі з "Руху" (5:2) 30-гадовы паўабаронца "Дынама" забіў адзін мяч і аддаў дзве галявыя перадачы сваім партнёрам.
Міхаіл Гардзяйчук уключаны ў сімвалічную зборную мінулага тура, куды ўвайшоў і яго аднаклубнік Аляксандр Наёк, а таксама жодзінскія тарпедаўцы Максім Бардачоў, Андрэй Хачатуран і Дзмітрый Анцілеўскі, мінскія дынамаўцы Уладзіслаў Клімовіч і Арцём Сухоцкі, Дзмітрый Гушчанка і Жуліа Сезар з "Віцебска", Лазар Сайчыч з "Гарадзеі" і Максім Скавыш з барысаўскага БАТЭ.
Максім Скавыш узначальвае спіс лепшых бамбардзіраў 30-га чэмпіянату Беларусі, забіўшы 15 мячоў.
Лідзіруе ў першынстве БАТЭ, у актыве якога 50 ачкоў, на другой пазіцыі - гродзенскі "Нёман", які набраў 47 балаў, трэцім ідзе салігорскі "Шахцёр", які мае 46 ачкоў.
Матчы 27-га тура пройдуць 24-26 кастрычніка.-0-