14 лютага, Пекін /Кар. БЕЛТА/. Беларуская фрыстайлістка Ганна Гуськова выйшла ў фінал алімпійскага турніру па лыжнай акрабатыцы, паведамляе карэспандэнт БЕЛТА.
З першай кваліфікацыі ў фінал адбіраліся шэсць лепшых спартсменак з 24. Алімпійская чэмпіёнка - 2018 Гуськова набрала 92,00 бала - гэты рэзультат стаў шостым, што дало магчымасць прайсці адразу ў фінал. Астатнія 18 фрыстайлістак, у ліку якіх яшчэ дзве беларускі Ганна Дзяруга і Настасся Андрыянава, пазмагаюцца за праход далей у другой кваліфікацыі. З гэтай стадыі адбору ў фінал таксама адправяцца шэсць дзяўчат.-0-
